شعر شعبي
عراقي
دارمي
ابوذية
عتابة
عماد ياسين آل شهزي الطائي
بسمر
نوصف لون الجمال البيك بسمر
د هل اسأل علينه اليوم بس مر
حلو طبع الدلال البيك بس مر
تمر وتروح متسلم عليه
@@@
راحه راحه
رفع ايده العراقي وشال راحه
يا رب ارحم بلدنه بيوم راحه
خلتنه السياسات بوسط راحه
طحن تطحن اهلنه بلا حمية
@@@
بيك التقي
فد يوم مريت الك مشتاق بيك التقي
ضنيت انك عذب بالدين انته التقي
لو جار بيه الوكت انته التصد التقي
ايد الي بينه غدر يا حيف يا ﮔـذاب
@@@
ها ون
هاي البشر يا ناس جن طﮕـها هاون
هاا بـﭽـه هذا هنا هااا ذاك هاا وَّن
هاا آنا مثل الهيل بوسط هاون
واليده بيد الجان حاقد علية
@@@
انا آتوضه من حب الامام سني شيعي ولا يهمني بشر
مسلم وعشقي للسلام جاني من حبي لعلي وحبي لعمر
@@@
لآنا
لو تخلص من الكذب وتعوف حب الآانا
لمايـﮕـدر على الامر ليـﮕـول أنا وآنا
لأنته ﮔـادر تعتذر ولا
ﮔـادر أنسه آنا
طبع الرجولة الصدق بس الكذب ينعاب
@@@
طيب طيب
اذا كان الصديق هواي طيب
من ايده الحنظل ايصير طيب
حي الله الصديق الـﭽـان طيب
نصيحة اخ ها يعز هواي اخية
@@@
مرني مرني
يا هل تسال عليه اليوم انته مرني
طعم لغياب بعدك انته مر ني
ﮔـول شما ردت حباب انته مرني
انا المحروم منك مر علية
@@@
انسه همهم
لا تضل حابسني ليش
لماوفه
ياﮔـليبي أمشي وعوفه
أنسه ودهم
ضيعوا عمرك تعيش
مائة حجه من تريد أنته يوم تشوفه
@@@
أوﮔـف وأدگ باب الوللف
موبيدي
نبضات ألـﮕـلب هنه ليدﮔـن بابك
أعشـگ عيونك يا ترف عاشـگ
بعشـﮕـك معترف اأركض وشم بثيابك
@@@
بس بس
لا تحـﭽـي على البذات
بَس بَس
بهمس بـﮕـفاك يحجي
اليوم بسبس
مثل هر وتهزه بصوت بِس بِس
يروح هناك ويرد يعود الية
@@@
جرح خاطري
بسيف ألهجر
..بس كلمه من
عنده أنتظر
تدرون ﮔـضيت ألعمر
..سهران ليلي للفجر
@@@
ﭽنه ﭽنه
محروگ بغرامك هل ﮔـلب ﭽنه
تصيح امي وتريد اليوم ﭽنه
اذكرك بالغرام شلون ﭽنه
طحن ﮔـلبي فراﮔـة شلون بية
@@@
حسبالي
وفي ومضموم للكلفات
تاليتك
خنيجر بالظهر زنجر
وحسبتك
صديق يكفكف الدمعات
طلعت اول صديق ليـﮕـطع المعبر
@@@
حله بيها
فطر ضمها والشفايف حله بيها
أرض بابل جناينها حله بيها
بقفص طير السكنها حله بيها
مثل طير الكناري بس الية
@@@
حيه حيه
ولا ماتت فتنهم دوم حيه
مثل عـﮕـرب يجيك مثل
حيه
حي الله الفانه وجاي حيه
بشرط ميجيب فتنه لا اذية
@@@
طبع ود
ومحبة وطيب وإخلاص
ولا شح الوفاء فد يوم بيكم
اهل دله
ومضايف ناس اشرف
نيقاس الكرم
منكم اليكم
@@@
مر بيه آمس خطار ما ضل مشه بساع
عاف الـﮕـلب ملتاع سافر بلا وداع
@@@
سماها
سماها
رب أحفظ ارضنه هم سماها
عراق الخير كناها وسماها
ولا تحفظ أبد غادر سماها
سم وسموم باسم الطائفية
@@@
ميدور
ميدور وكت الفرح ليته ابد ميدور
ناعور لصويحبك بكل وكت مي دور
فكرك ابد لايعتني ويسال علي م يدور
مو أني ذاك الما نسى الخلان والأصحاب
@@@
وصلت تراها وياي حد شـﮕـة الزيج
جرحي ابد ما طاب كل ما تمسه يهيج
@@@
شـﮕـفات شـﮕـفات
زمان الجور والوعات شـگ فات
بنا لي بالهضم حيطان شـﮕـفات
صد بيده علينه هواي شـﮕـفات
الاصيل المارضى بالطائفية
@@@
صبح ليل
صديقي الجان ويايه صبح ليل
تغير حيل شو جنه صبح ليل
آنا المرهون للنخوة صبح ليل
اضن لفراك تاليهم يا لحباب
@@@
يو جاه
يو دين وعلم يو سيف يو جاه
كل واحد يصيبه الخير يو جاه
بس اهل الكرم والطيب يوجاه
طي بلسانه مدحهم خير البرية
@@@
ضني ضني
غدرتني السنين لحسن ضني
وما كنت يوما آضن آن ضني
باصحابي وخلاني يسيئوا ضني
يسوء الضن ماخلا اصحاب
@@@
لصار
الصار
شما دار بينه الوكت ميصير بينه الصار
من صار بالك ابد تتوقعه شما صار
الصار بينه وبعد حتى الي بيكم صار
ما بشر يتحمله حتى النبي ايوب
@@@
مامر
أمر بيكم إعزاز شلون ما مر
اذا أنـي العـريف وانتــه آمـر
آمر تأمر خـويي ﮔـول وآمـر
وآهلي اليل كله انتووا لحباب
@@@
بيك بيك
انته تدري معلمات جفوني
بيك
نايم و صاحي أشوفك آنه آآ بيك
أنه لك كل الناس حتى أمك وأبيك
ردلي روحي يا سبب كل العذاب
@@@
جني
شنـه انتـه غـريب بـروح جِني
خصال الذيب جنهن بيك جَني
تروح تروح وأشمن بيك جَنَي
قـطـافـك صـار ما بيـن اديـة
@@@
ليست هناك تعليقات:
إرسال تعليق