اوسيات: قصيدة جذابة للشاعر عماد ياسين مجيد: چ ذابة ماريد ال چ ذب ياناس خافوا الله وعقابه نسيتونه وهويتوا ال گ ال أجينه اليوم خطابه الف وسفه نسيتونه بعد عش...
السبت، 25 مايو 2013
قصيدة جذابة للشاعر عماد ياسين مجيد
چذابة
ماريد الچذب ياناس
خافوا الله وعقابه
نسيتونه وهويتوا الگال
أجينه اليوم خطابه
الف وسفه نسيتونه
بعد عشره ومودة
وليالي طوال تمرمرنه بهواكم حيل
مانفرق بعد هجرانكم لينه
انچنه بصبح لو لليل
اكف دمعي وأداوي جروح خنجركم
واصرخ چن صهيل الخيل
من هجركم دموعي تخر على الخدين چنها السيل
سواد گليب محبوبي اسود من سواد الليل
يبو عيون الغدر ياشگر ماشفت الدمع
بعيونك يوم امطر
شنو گليبك من صخر ياغبر
تشوف احبيبك
تفتت
ولا تتقدم وتتأخر
عمت عيني الهوتك يبو عيون الخضر ياشگر
تمد أيدك على المصحف
وتگول وهذا احبنك و القرآن احبنك
وابدأ ليك ما اغدر
شدعي لك لو ان السهر يندار و الك يفتر
لو ان الحرگة لبگلبي بيك تصير
شدعي عليك .. شدعي لك
يالي خطفت گلبي وتريد اطير
وتنسه ضحكات العصر
وك خف لهيب الشوگ ..خف ذاك الامر
اه يا ام الغدر هذا هو تالي العمر
ارد اموت ارد انتحر ما بقى بگلبي صبر
صعبه ايام الهجر انت طول الليل نايم
انه ساهر منتظر
شيب گليبي العزيز المنكسر
انت ماچنك تحبني ولا علي تنقهر
اه منك اه من كلب الصخر
ماچني الچ اسوه ..نسيتي ايامنه الحلوه
نسيتي الدمعه والسلوه
نسيتي انه الچ اهوه
نسيتي الچاي التصبينه
وبصبعج من تحلينه .. وشلون الي تنطينه
تاليها .. نسيتينه .. نسيتينه
يالنسيتوا ايام حبنه
روحي خضره تحن الكم ..لا ما نستكم
ما امر هيهات بعد ابدربكم
بس ما املكم .. وابقى احبكم
يالجفيتوا وصرت عدكم مثل همكم
لا تضن فد يوم اضركم .. وابقى اودكم
وأضل الكم مثل ضلكم
واذبح ليخبط عسلكم
واحمل الوعات عنكم
وأجرع السم ابدلكم
وابقى احبكم ما املكم
يالنسيتوا ايام حبنه شلون چانت
لليلة عدنه ولليله عدكم
شارد اگولكم ..روحي ماتگدر تملكم
خل يفز مرعوب گلبي بهجركم لا يهمكم
يضل لامع بگلبي نجمكم
يال نسيتوا
احبابكم ناموا بخدركم
مومهم عمين عيوني لأجلكم
شرد اگلكم .. ارد اگلكم
چنت احس مواني المهم عدكم
يالهويتوا الغير اذني عطشانة اللغوكم
كافي بسكم .. كافي بسكم
يالنسيتوا شلون اودكم ما املكم بالرغم من قسوة
گلبكم
ما اصد فد يوم عنكم .. ابقى احبكم .. ابقى
احبكم
شگل للناس غدرت ما بعد توفي
شگول الهم .. اريد احچي .. اريد ابچي
ارد مخنوگ بالعبره .. مثل تايه ..مثل سكران بالخمره
مافرزن بعد ياناس بين التمره والجمرة
تگول امي المايعرف تدابيره حنطته تاكل شعيره
أكلتيني من الحم هبره ورميتيني .. بطريق الشوگ رمية مره
يالي بگلبي صبتيني
د داويني .. مو جرحي من الغدر ينزف
دداويني .. تتركيني ..تعوفيني .. تهجريني
دداويني .. وعدتيني بعشگ چذاب تاليها نسيتيني
دداويني ..تگولي انسه
ولا ايهمك
شلون انسه .. وچنت امر كل يوم يمك
من أشوفك تحتار ذرعاني بضمك
يالحبيب نسيت شلون اشمك
تذكر بأيدي من اطعمك
چنت اخاف عليك ماريدا احد يذمك
يالحبيب انت مني وانه منك ونعجن دمي بدمك
انه بيكم محترگ .. وانته بارد هل امر ماچن يهمك
لا والله فلا انساك .. ما اگدر على فرگاك
وشفافي دوم اتضل تلهج ابطرواك
تگلي انسه ..
ولچ شنسه .. انسه الضحكه والرگصة .. شنه انسه
وان راد الفكر ينسه ماتنسه الاصابع بيچ متلمسه
من اشفافچ الاذن يا چلمه تنسه
شرد انسه والگلب بسمچ ينبض الهسه
وتگولي انسه .. ولچ شنسه
لا تغالط ماينسي بلحضة حچينه
وان نسيتوا احنه نذكر ما نسينه
يابو لعيون الحزينه لا تضن حبكم بدينه
الگلب باقي بونينه
من هجركم فكري تَيه نياشينه
شمالكم بعد الوداد محاربينه
وين گلوبكم ذيچ الحنينه
ان چان قصرنه وحچينه سامحينه
وگولي شنه مقصرينه
أمناطرك والعمر خلصت سنينه
حن ولك مره علينه
يالنسيتوا ..العشگ نغمة اغانينا
مانسينه وحق عطر حبنه ورياحينه
يالحنينه .. سامحينه .. وعودي لينه
فرحينه
.. ان چانج تسمعين بشعر حبنه
وتقرين بدواوينه
الشاعر عماد ياسين مجيد
الاشتراك في:
الرسائل (Atom)