هاي الحلوة العراقية

شعر شعبي غنائي
قصيدة غنائية ॥جوبي عراقي ((لم تغنى بعد))
عرس وفرحة ولمة وهوسة تـــستاهل بـــغداد البوسة
ليــلتها لــيــلـــة عــــروســـة لبــسوها ســوار وترجــية
هـــاي الـحـلــوة الـعـراقــيــة مـــتـحـزمة بـوردة وجـفية
محروسة ارضك محروسة هـلهــولا نــهـلهـل ســويــة
*****
يـا بـغـدادي وـبغــداديـة ... يــلا نـلعـبـلا جوبــيـة
هاي الحلوة العـراقية ... متحزمة بوردة وجفية
يا مصلاوي ومصلاوية ... مزهــية جبـالج مـزهـية
يا انباري وانـباريـة ... يــاريح ادلالـج زكـيــة
هـاي الحلوة العراقـية ... متحزمة بـوردة وجـفـية
يا بصراوي وبصراوية ... مـلح الـكاع ونخـلة ومية
هاي الـحلوة العراقـية ... متحـزمة بـوردة وجـفـية
محروسة ارضك محروسة ... هلـهولة نهـلهـل ســــويـة
الشاعر عماد ياسين مجيد

العلوج

قصيدة من شعر الجنجلوتيات الشعبية العراقية
رج رجيج الجاي جية وجاب جنجالة ॥
الجوج والماجوج عوج وعجلوا فالة
عــج عــجيج عــلوج بنــوج حـــجالة ॥
الـبوج ابن البوج رش عجوج جــتالة
روج يرج بروج روجة دمة من سالة ॥
بلا جـلد مـــجلود جـــلاد من جــــــالة
جــــال بالــجولان جـول جـن حـالــــة॥
رجــرجــت رجــــات جــيل جـــيالـــة
جمـدة جمود مجمود بالـجيـلات جتالـة॥
متـوجـات الـتـوج بـاليـاجـوج لافعـالـــة
انـفلــج مفـلوج بــالـفـلوج بــس جـــالــة॥
محملات النوج بعلوج معالجات علوج حجالة
الشاعر عماد ياسين مجيد