اوسيات: حكم ربي

اوسيات: حكم ربي:                  حکم   ربی   حکم   ربی   أشوفك   وانجبر   بیك                       احاچیك   بغزل   لو   ما   احاچیك   یالمدلل   ...

حكم ربي

                حکم ربی 

حکم ربی أشوفك وانجبر بیك 

                    احاچیك  بغزل  لو ما  احاچیك 

یالمدلل غرامك زادني هموم

خجلت الگمر منك و النجوم 

صرخ حبك یخلي یرتجي یوم 

                          الاگیك پفرح .. لو ما الاگیك

ستحه لساني وتعثر من تهل جاي

یا صوت الفرح یا نغمت الناي

اسقینی الغرام من الشفا يف هاي

                   یهیم الروح عطرك ربي یحمیك

                       للشاعر عماد یاسین مجید

أجيتك

أجيتك

أجيتك حامل همومي

وادري بك ماتﮔدر على عتابي

وك أجيتك يأل إلك غنيت

أﮔعد واسمع مصابي

أجيتك يالنسيت هواك

لوان بالچذب دﮔ مره و لك بابي

أجيتك احمل الأشواق

كل ضني بدمع العين انته أطفي عطابي

لﮔيتك ناسي كل الناس ناسي هواك

ماچنك چنت ويا هولك رابي

ماچنك جنت وسط الدليل أدوس سماده

و أيدك المحراث تكرب كرب بترابي

أجيتك أحمل ألك لوعات

تلوچ باه نشابي

أجيتك والعيون تنوح

تغفه ألاه باعتابي

نسيت شلون چنت

أفرشلك أهدابي

الشاعر عماد ياسين مجيد1989

يا كلبي شبيك

ياﮔلبي شبيك
ﮔتلك يﮔلبي شبيك .......لتحن و لك خليك
حلو..ويغرر بيك
هم يهجر ويؤذيك
لتقرب عليه فتان ........تهواه وتضل حزنان
ﮔلبه مو ﮔلب إنسان
متعود على الهجران
بطباعه الغدر عنوان......ومدرب على الهجران
* * *
ﮔتلك ياﮔلب عوفه ........انسه اسمه وحروفه
باجر حنت اچفوفه
صابغ شعره وزلوفه
وك غره الجمال البيه.....لاتئذي الﮔلب خليه

الشاعر عماد ياسين مجيد

ديرة هلي

يا ديرة هلي وناسها الطيبين

يا بلسم ع الجرح للمهضوم والتعبان والمسكين

يا نخوة عربية و هيل دلتها

يا أهل المضايف والكرم والدين

يا لمت زلمها ع الوكت لو دار

مدرسة الجهاد ع الكفر قاسين

يا درع الحمية بصولة الغربان

يا سيف المجرب كل وكت كل حين

يا أهل المبادئ من توج النار

كلمتهم علم ما تصير اثنين

ا ا .. خنجر غدر بالظهر من صار

برچاب ألاصا يل صالوا الخيرين

ا ا.. أهال ألانبار من ثاروا  غبار

خلوها على العدى الحضة بسنين

لا يهمكم  يخوتي شما جرى وصار

مادمتم كواكب يا جهاديين

يضل كل نذل كل خاين وغدار

متوشم بعاره وهم رأسه بالطين

عماد ياسين مجيد