مشكلة حبج مشكلة للشاعر عماد ياسين مجيد

غزل شعبي عراقي

مشكلة حبج مشكلة

أنتي حبج مشكلة

خلاني طول الدرس محتار بالمعضلة

يا اغلا من كل غلا

تمشين طول الدرب بحنية متمهلة

ألكوني مشتاق الج

ما ادري انتي سرعتي ..لو دربي منج خجل

والطول مالة أختزلة

مشكلة حبج مشكلة

خلاني وبكل درس اعرب عيونج فعل

والضحكة اكبر فعللة

بالجبر انتي ضرب ..برهانة انا انطرح

بالجمع حل المسئلة

بتاريخ هذا العصر

جيوش حب الولف بالكلب متجحفلة

باللغة انتي أمر ..وبحبج اني أنجبر

والعشك مجرور اله

تحياتي لجميع الطلاب بمناسبة انتهاء الامتحانات

الشاعر عماد ياسين مجيد

ألك رقة غزل شعبي عراقي للشاعر عماد ياسين مجيد

غزل شعبي عراقي

الك رقة

ألك رقة وجمال عيون لو ماس

ألك ضحكة رقيقة اضحكها وأفديك

ألعمر والروح كل الورد والياس

واذا تسمح بعد بعيوني أخليك

موانتا السعادة بيك تنقاس

لصيرا لك نبع حب وارويك

أ ذا بلأ يادي تتصافح الناس

انا بعين احضنك وبعين الاكيك

أذا بالشفةعلى الخد يوم تنباس

لصيرا لك شفايف والزك عليك

لخلي ايام عمرك كلها اعراس

والبسلك غرامي وبشعر احاجيك

أتباها بوجودك وارفع الراس

أصيح بصوت عاشك منجبر بيك

وحك جيتك انا كلبي حساس

يفز مني ويشتبك بيك

اهداء الى كل من امتلاء قلبه بالحب

الشاعر عماد ياسين مجيد

قصيدة ياصديقي للشاعر عماد ياسين مجيد

شعر شعبي عراقي

ياصديقي

لأن انا عراقي وطبعي حساس..

لصيرا لك نبع وبدمي ارويك

اكفلك بالمنايا لحد كطع لانفاس

واردلك يالصديق واسبقك ليك

لك صاحب تكول وانته هلاس

اضل ذاك الوفي وما اجافيك

مو كل من تعرفة بيه نوماس

لأ كل من بعد ينقاس ناسيك

من مرة عليك الدنية بافلاس

ما غيري يعرفك ينشد عليك

اجيتك يوم فاضة والفكر خاس

لكيتك ياصديقي صعب انا احاجيك

بس اعرف مقامك مو انا انداس

انا اكبر بعد من كل معانيك

انا اكبر بعد شما كبر راس

وانا اكبر بعد من كل خطاويك

كل صاحب نذل خل يقرا قرطاس

لو دامت الغيرك ما وصلت عليك

مع ارق تحياتي لكل من يحتفي بالصداقة ويديمها

الشاعر عماد ياسين مجيد

قصيدة لأزم تجيني للشاعر عماد ياسين مجيد

حديث ام مشتاقة لولدها المغترب

من الشعر الشعبي العراقي للشاعر عماد ياسين مجيد

لأزم تجيني أشوفك

لأزم تجيني أشوفك .. بالرغم من كل ضروفك

انه مشتاقة الك .. بعيوني ارد اتكحلك

***

لأزم تجيني ابد .. أمك بهاي البلد

محتجة وكفة ولد ..ولأقلأمك ولحروفك

***

موكافي غربة وبعد ..ياوليدي ارد انسعد

بكل لحضة انا ارتعد ..وضليت اناغي طيوفك

***

موصارت ايامي سكم .. وكضاها ابوك بهضم

من شوفتك خاف انحرم ..دك للجية يوم ادفوفك

***

موباتت ايام العمر .. تتناقص لحد القبر

جالس ابوك وينتضر .. كل هما بس ايشوفك

***

...مع تحياتي لكل من دعتة الضروف للغربة عن الاهل والاحباب

الشاعر عماد ياسين مجيد

مناجاة التوبة للشاعر عماد ياسين مجيد

قصيدة مناجاة ..التوبه

حسبي بك حسبي..
ادعوك يا ربي
اهديني وا صحبي..
نورلنا الدربي
استرني من عيبي..
في الهو والصخبي
سامحني للذنبي..
المعلوم والغيبي
يا دافع الكربي..
ارجوك ياربي
يارازقي الخصبي..
من مهدي للشيبي
حسبي بك حسبي...ادعوك ياربي
جمل لي القلبي..
واملائه بالحبي
كن لي كن قربي..
في فرحي او رعبي
اتوب من دائبي..
من فعلي السلبي
ادعوك ان تربي..
الخير في صوبي
حسبي بك حسبي...ادعوك ياربيالشاعر عماد ياسين مجيد

اوسيات: اعدام عاشق للشاعر عماد ياسين مجيد

اوسيات: اعدام عاشق للشاعر عماد ياسين مجيد

اعدام عاشق للشاعر عماد ياسين مجيد

اعدام عاشق..قصيدة ملحمية من الشعر الشعبي العراقي

اعدام عاشق

احداث قصة لرجل احب فتاة من التبعية الايرانية في العراق وتزوجها ..وهجرت الى ايران مع اهلها استنادا لقرار حكومي وبعدان شكا الامه و اوجاعه لشدة شوقه لابنه وزوجته التي ..ترجته ان يدع ابنها لها كونها لايمكن ان تتحمل فراق الحبيب والابن وهو ثمرت ذالك الحب ..

كان لهذا الفراق اتر كبير في نفسه لذا شكا حبه ..وسرعان ما اخذته سطوة رجال الامن واختفى ...رغم جميع محاولات امه واهله من معرفة مصيره..وبعد سقوط النضام بالعراق تبين انه اعدم .

من قبل واحد وعشرين عام

جانه طارش بالخبر

شاب شعري والكلب بيه انفطر

وطاحة امي من القهر

والدمع اكفاها البصر

كالت اختي يابشر جذاب من جاب الخبر

راح يوم.. اجا يوم ما كشف عن سرا الدهر

لمحت العالم حزن مرسوم بوجوه الخوات

والزلم مهضومة تبات

صاح شامت ..من زمان ما شفنا الفرح عدكم يبات

راحت امي ترتجي اهل الضمير

بلكي تصحى وترحم الكلب الكسير

انصحوها الناس روحي للوزير

والوزير..انه فد واحد فطير

مارحم..ام..لاجل ابنها تستجير

واحد وعشرين عام...

انا صابر ارجف ابكلبي واكابر

لااخالط ..لااعاشر

خاف من واحد حقير

ايترجم جروحي سياسة ..وبخبر.. كان ..اصير

واحد وعشرين عام....

جانت امي تكعد بليل الشتا تنوح وتكلب دفاتر

تحجي قصته بصوت.. مذبوح المشاعر

وليدي شاطر ..للوفا يؤلف خواطر

شنو ذنبا ..ذنبا كل ذنبا ..الكلب عندا جبير

مال مره ..هوى بنيه

حلوى مستورى وابيه

كال يايما احبها..يما خطبيها اليا

واخطبتها ..وتوجوا ذاك الغرام بفد ولد سموا وسام

وبسعادة ..دارت اومرت ايام

وبسلام عايش ابعشة الحمام

تالي جالي ..كلي يا يمه تعالي

الامن يطلب فصالي من الاحبها

الامن يايمه جوني ..وهددوني..الاحبها يسفروها

وهيه يايمه حزينه ..والكلب طاح بونينا

صار محتوم الوعد واطلبت مني الولد

انا حاير.. كولي يمه

ابني اتنازل يروح ويا امه

وانا اريده..هنا بكليبي اضمه

كولي يمه

ش هل قرار ..شلون اجرعه ..شلون اصدره ..اشلون اهضمه

كولي يمه

ان ردت فديوم ابوسه وهو بعيد ..اشلون اجوسه

شلون احضنه ..اشلون اشمه..كولي يمه

انا وابني حيرا وحده ..هو مايعرف يقرر وانا ماعرف شزيد

تالي مرتا صاحت بصوت احبستا ..وزفره وحدا طلعتا

كالت ..احااا ..بعذابي.. فدوا عمري.. وكل شبابي

ااه ياعمه العمر ..الزمن بطل يمر

غصه..وبكلبي الجمر..حبي اخذوه ابغدر

وشلوا كل الفرح..الكلب عصروا.. عصر

فدوه عمه ..قسمه نتقاسم سويا

الج ابنج ..وابني ليا

الضربتين براس اسباب المنيا

ابني بدموعا غرك..صاح يايمه شبديا

واختلط دمعي بدمعهم..ليلي وبطولا حضنتهم

مرا ابكي عالولد..مرا ابكي عالبنيا ..مرا ابكي عالطفل

الي كل ذنبا انولد بهل بلد

وحملوها جبل هم وهجروها..بلا ندم من سفروها

صبر.. ابني ..يوم .. يومين ..وبعدها

جرحا صاح تذكر بابنه وبحبه الي راح

ضل مثل مكطوع الجناح

ماكدر كلبا انفطر..بالالم ناح

كال صح العدل ببلادي شح

والضلم خييم علينا ومانصح

لجل هاي..جته غربان وخذته..بالضلم حاوطته

وما ضهر سرا العجيب الا ..من طاح النضام

من قبل واحد وعشرين عام

هذا حال امي ..تجفل من تنام

كلما تغفه ..تفز تصيح ..وليدي راح

ومارجع النا بسلام

واحد و عشرين عام..

حاربونا وبحربهم يشركونا

خوف منهم ما لفونا.. لا خوال.. ولا عمام

واحد و عشرين عام

ندعوا الله.. بكل صلاة.. وبكل صيام

ربي مررها بسلام

ربي زيلنا الغمام

تالي دارت..والظلم ولد ظلام

بالحزن طار الحمام

والي باك اهلا ندم

جونا ناس بلا علم

الثمن مقبوض سعروا حتى القلم

ماسلم منهم شريف ولا عفيف ولا نضيف

لاشيعي ولا سني سلم

تالي امي ماتت بحسرت ابنها الما رجع

شكد بجت وتوسلت بس مانفع

بالالم اخذوه اوهيفوه

بلا سبب من عذبوه ابنه اوحبهه نفوه

الرحم راح بكلبهم وانشلع

خيي ماهجع كلبي عليك ولاقنع

ينعدم عاشق لان كلبه ليمع

يابشر ينعدم عاشق لان كلبه ليمع

**مع تحيات الشاعر عماد ياسين مجيد**