عماد ياسين آل شهزي الطائي

شكد احبك                            كافي بس حيرة وسؤال شﮔد احبك يالي تسألني بدلال يعني ما تعرف محال هيه ﭼلممة زغيرة طعمه بيه سحر وبيه نغمة برعمن ساعاتي يمك ونعجن دمي بدمك وبسناك ذابت أيامي دمع دمعه دمعه إنا أيامي شمع يكسر الظلمة بدمع وهم بعد تسأل سؤال شﮔد احبك عمري كله عشته ﮔربك عشته يمك مرة أحضنك مره أشمك مره أدرسك مره أعلمك يا عرس عمري الأصيل أرﮔصتلك من فرح وانه الجليل وهم بعد تسأل سؤال شﮔد احبك الشاعر عماد ياسين مجيد الشهزي 

ترﭼية ذهب ليت انصاغ لحبيبي ترﭼية ذهب لازﮔة عالخد كل لفته أروح وارجع أتمدد أحبب بيك بخدودك ولا أنرد يضل حران ﮔلبي بشوگ ما يبرد عزيز المع صفار أيشع لا ابيض ولا اسود كل لحضه أضل و ياك ساع بساع روح بروح خد بخد الشاعر عماد ياسين مجيد الشهزي 

محاورة عاشقين هو : عنيد وعاندت أهلي وناسي       ابد بس بيك أفراحي وناسي        ولا اذكر قهر منك وناسي      وبعد كل هذا تنسى تمر عليه هي: ابد ما نسيت دوم عليك انشد    نسيت اسمي وبس أهواك انشد       بحبل و ياك بلكي بيوم انشد نسيتي ايﮔول وبلياه صار النوح أليه هو: أذا ناح الﮔلب عندچ      روحي جالسه بسدچ     العقل عندي ترى وشل ترى شال     دعيت تصيري إلي عيوني     ﮔمر ليله على متوني     بلا ربطه بلا شال الشاعر عماد ياسين مجيد الشهزي 

همس عينك يدغ دغ ﮔليبي بعيونه الﭼتاله همس عين لولف صار موالا خلص دمع الﮔلب وشل شجاه وشبي وشمالا غرس نابه بدليلي وفات من طاح الﮔلب لأدنك ولا شالا طلع ﭼذاب و م لعب ولا تﮔدر عليه تﮔرب عسى فد يوم يتعطب واذكرا بطبعا و بحالا الشاعر عماد ياسين مجيد الشهزي 

ش گ د الك مشتاق شﮔد إلك مشتاق نتسامر حبيبي كم نجم عديت بغيابك و تاني اصبر الروح تنشد بغيابه نساني عد اعد أيام ساعات وثواني شﮔد ما تكحلت عيني كل صبحيه بيك شﮔد ما نغمة إذني برقت حﭼيك شﮔد ما تصافحت أيدي بديك شﮔد أماني العمر ﮔضيته وأعاني الشاعر عماد ياسين مجيد الشهزي