محاورة بين عاشقين للشاعر عماد الشهزي
محاورة عاشقين
هو :
عنيد وعاندت أهلي وناسي
ابد بس بيك أفراحي وناسي
ولا اذكر قهر منك وناسي
وبعد كل هذا تنسى تمر عليه
هي: ابد
ما نسيت دوم عليك انشد
نسيت اسمي وبس أهواك انشد
بحبل و ياك بلكي بيوم انشد
نسيتي ايﮔول وبلياه
صار النوح أليه
هو:
أذا ناح الﮔلب عندچ
روحي جالسه بسدچ
العقل عندي ترى وشل ترى شال
دعيت تصيري إلي عيوني
ﮔمر ليله على متوني
بلا ربطه بلا شال
الشاعر عماد ياسين مجيد الشهزي
تعليقات
إرسال تعليق