شعر شعبي عراقي
إعدام عاشق
عماد ياسين مجيد آل شهزي الطائي
الإهداء
إلى . . أمي
التي ماتت دون إن تعرف مصير ابنها العاشق .
إلى . . أبي
الذي افتقدته وانأ بأمس الحاجة أليه .
المؤلف
اعدام عاشق
إحداث قصة حقيقية
لرجل أحب فتاة من التبعية الإيرانية في العراق وتزوجها ..وسفرت إلى إيران مع أهلها
استنادا إلى قرار حكومي .
وبعد ا نشكى ألامه
وأوجاعه لشدة شوقه لابنه وزوجته التي اجبر على الانفصال عنها ترجته إن يدع ابنها حيث
لا يمكنها ان تتحمل فراق الابن والحبيب في
ذات الوقت وبعد ان سفرت إلى حيث لا يمكنه مشاهدتهما
كان لهذا الفراق اثر كبير في قلبه فشكا حبه والظلم الذي وقع عليه وعلى ابنه وزوجته دون ذنب
اقترفوه .. وبسبب شكواه سرعان ما أخذته سطوة رجال الأمن واختفى إلى مصير مجهول رغم محاولات أهله من معرفة مصيره
.
وبعد إن سقط النظام
الحاكم في العراق عام 2003م تبين انه اعدم من قبل رجال التحقيقات في سجون النظام و ضهر اسمه ضمن المعدومين من قبل النظام.
اعدام عاشق
من قبل واحد وعشرين عام
جانه طارش بالخبر
شاب شعري والـﮔلب
بيه نفطر
طاحت أمي من القهر
الدمع .. الدمع أكفاها البصر
كالت أختي يا بشر
ﭼذاب من جاب الخبر
راح يوم .. أجه يوم
ما كشف عن سرا الدهر
لمحت العلم حزن مرسوم بوجوه الخوات
و الزلم .. الزلم
مهضومة تبات
صاح شامت
.. من زمان ما شفنه الفرح عدكم يبات
راحت أمي ترتجي أهل الضمير
بلكي تصحا وترحم الـﮔلب الكسير
أنصحوها ألناس روحي للوزير
والوزير لنه فد واحد
فطير
ما رحم أم لأجل ابنها تستجير
واحد وعشرين عام
أنا صابر ارجف بـﮔلبي وأكابر
لا أخالط لا أعاشر خاف من واحد حقير
يترجم جروحي سياسة وبخبر كان أصير
واحد وعشرين عام
ﭼانت أمي تـﮔـعد
بليل الشتا
تنوح و تـﮔـلب دفاتر
تحـﭼـي قصته بصوت مذبوح المشاعر
وليدي شاطر بألوفه يألف خواطر
شنه ذنبا .. ذنبه كل ذنبه الـﮔلب
عنده ﭼبير
مال مره هوى پنيه
حلوة مستورة و أبيه
وﮔال يا يمه أحبها
يمه خطبيها أليا
وخطبتها وتوجوا ذاك الغرام بفد ولد سموا
وسام
وبسعادة دارت ومرت ايام
وبسلام عايش بعش الحمام
تالي جالي ﮔـلي يا يمه تعالي شوفي حالي
الأمن يطلب فصالي من الاحبها
الأمن يا يمه جوني .. وهددوني الاحبها يسفروها
وهيه يا يمه حزينة
والـﮔلب طاح بونينة
صار محتوم الوعد .. واطلبت مني الولد
إنا حاير ﮔولي يمه
ابني أتنازل يروح ويا أمه
وانأ أريده .. هنا
بـﮔليبي أضمه
ﮔولي يمه
ش هل قرار
شلون ا جرعة شلون أصدره
شلون ا هضمه .. ﮔولي
يمه
إن ردت فد يوم أبوسه
وهو بعيد شلون ا جوسه
شلون احضنه شلون أشمه ﮔولي يمه
إنا وابني بحيرة وحدة
هو مايعرف يقرر .. وانأ ما اعرف شأزيد
تالي مرته .. صاحت بصوت حبسته وزفرة وحدة طلعته
ﮔالت احاا بعذابي فدوى عمري وكل شبابي
ااه يا عمه العمر
.. الزمن بطل يمر
غصة و بـﮔـلبي الجمر حبي أخذوه بغدر
وشلوا كل الفرح الـﮔـلب عصروا عصر
اه عمه .. قسمه نتقاسم سويه الچ ابنچ وابني ليا
الضربتين برأس أسباب المنيا
ابني بدموعه غرگ صاح يا يمه شبديه
واختلط دمعي بدمعهم ليلي ويطولا حضنتهم
مره ابـﭼـي ع
الولد مره ابـﭼـي ع البنيه
مره ابـﭼـي ع الطفل إلي كل ذنبا أنولد بهل بلد
وحملوها جبل هم وهجروها
وبلا ندم من سفروها
صبر ابني يوم يومين وبعدها
جرحه صاح تذكر بابنه وبحبه إلي راح
ضل مثل مـﮔـطوع الجناح ماﮔـدر ﮔـلبه انفطر بالألم ناح
ﮔـال صح العدل ببلادي شح والظلم خيم علينا وما نصح
لجل هاي جته غربان
وخذنه و ماظهر سره العجيب إلا من طاح النظام
من قبل واحد وعشرين عام
هذا حال أمي تجفل من تنام
كلما تغفى تفز تصيح ..وليدي راح
ومار جع إلنا بسلام
واحد وعشرين عام
حاربونه وبحربهم يشركونه
خوف منهم ما لفونه لا خوال ولا عمام
واحد وعشرين عام
ادعي الله بكل صلاة وبكل صيام
ربي مررها بسلام .. ربي زيلنا النظام
تالي دارت والظلم ولد ظلام
بالحزن طار الحمام
والي باك اهلا ندم جونا ناس بلا قيم
الثمن مقبوض سعروا حتى القلم
ما سلم منهم شريف ولا عفيف ولا نضيف
ولا شيعي ولا سني سلم
تالي أمي ماتت بحسرة ابنها المارجع
شـﮔـد بـﭼت وتوسلت بس ما نفع
بالألم أخذوه و هفوه
الرحم راح بـﮔـلبهم وانشلع
خيي ما هجع ﮔـلبي عليك ولا قنع
ينعدم عاشق لأن ﮔـلبه
لمِع
يابشر ينعدم عاشق لان ﮔـلبه لمِع
###
ﭼذابه
قصة حقيقية لشاب
وفتاة تعاهدا على الحب ولكونه كان من عائلة فقيرة أثرت حبيبته الزواج من أخر ثري تقدم
لخطبتها بعد علاقة حب دامت ثلاث سنوات فما
كان من هذا الشاب إلا إن يبث أوجاعه وتوسلاته محاولا استرجاع حبيبته لأكنها لم تستجب لكل محاولاته .
جذابه
ماريد الﭼذب يا ناس خافوا الله وعقابه
نسيتونه و هويتوا
الگال اﭼينة اليوم خطابة
إلف وسفه نسيتونه بعد عشرة ومود وليالي طوال
تمرمرنه بهواكم حيل
ما نفرق بعد هجرانكم لينه إن ﭼنه بصبح لو ليل
اكف دمعي وداوي جروح خنجركم واصرخ ﭼن صهيل الخيل
من هجركم دموعي تخر على الخدين ﭼنها السيل
سواد ﮜليب محبوبي اسود من سواد الليل
يبو عيون الغدر يا شﮔر ما شفت الدمع بعيونك يوم أمطر
شنو ﮔليبك من صخر يا غبر
تشوف حبيبك أتفتت ولا تتقدم أو تتأخر
عمت عيني ألهوتك
يابو عيون الخضر يا شـﮔر
تمد أيدك على المصحف
وتﮔول وهذا احبنك
والقرءان احبنك وابدأ
ليك ما اغدر
ش ادعيلك .. لو إن السهر يندرار وإلك يفتر
لو إن الحرﮔه لبﮔلبي بيك تصير
ش ادعي عيك .. ش
ادعيلك
يا لي خطفت ﮔلبي
وتريد أتطير
وتنسى ضحكات العصر
وك خف لهيب الشوگ
خف ذاك الأمر
آه يا أم الغدر
هذا هو تالي العمر
أرد أموت .. أرد انتحر ما بقى بﮔلبي صبر
صعبه أيام الهجر أنت طول أليل نايم أنى ساهر منتظر
شيب ﮔليبي العزيز المنكسر أنت ما ﭼنك تحبني ولا علي تنقهر
آه منك آه من ﮔلب الصخر
ما ﭼني الچ أسوه
..نسيتي أيامنا الحلوه
نسيتي الدمعة والسلوه نسيتي انه الچ اهوه
نسيتي إلﭼاي لتصبينه
وبصبعچ من تحلينه
وشلون ا لي تنطينه
تاليها نسيت ينه ..نسيت ينه .. نسيت ينه
يا لنسيتوا أيام حبنه
روحي خضرة تحن الكم لا ما نستكم
ما أمر هيهات بعد بدربكم بس ما أملكم وابق أحبكم
يالجفيتوا وصرت عدكم
مثل همكم
لا تضن فد يوم أضركم
.. وابق أودكم
وأضل الكم مثل ضلكم واذبح ليخبط عسلكم
واحمل الوعات عنكم وأجرع السم أبدلكم
وابق أحبكم ما أملكم
يا لنسيتوا أيام
حبنه شلون ﭼانت
ليلة عدنه وليلة عدكم
شرد أﮔلكم
روحي ما تﮔدر تملكم
خل يفز مرعوب ﮔلبي بهجركم ..لا يهمكم
يضل لامع بﮔلبي نجمكم
يا لنسيتوا أحبابكم .. ناموا بهجركم
مو مهم عمين عيوني لأجلكم ..شرد آﮔلكم
أرد اﮔلكم ..ﭼنت أحس مواني المهم عدكم
يا لهويتوا الغير..إذني عطشانة ألغوكم
كافي بسكم ..كافي
بسكم
يالنسيتوا شـﮔد أودكم
..ما أملكم
بالرغم من قسوة ﮔلبكم ..ما اصد فد يوم عنكم
وأبقى أحبكم ..أبقى أحبكم
شـﮔل للناس.. غدرت ما بعد توفي..شـﮔول الهم
أريد أحجي أريد أبﭼي
..أرد مخنوگ بالعبرة
مثل تايه ..مثل سكران بالخمره
ما فرزن بعد يا ناس بين التمرة والجمرة
تـﮔو ل أمي المايعرف
تدابيره حنطته تأكل شعيره
واكلتيني من الحم هبره ورميتيني بطريق الشوگ رمية مره
يالي بـﮔلبي صبتيني ..د داويني
مو جرحي من الغدر ينزف ..د داويني
تتركيني وتعوفيني وتهجريني
..د داويني
وعدتيني بعشگ ﭼذاب
تاليها نسيتيني..د داويني
تـﮔلي أنسى ولايهمك .. شلون ا نسى
وﭼنت أمر كل يوم
يمك
من أشوفك تحتار ذرعاني
بضمك
يا لحبيب نسيت اشلون أشمك
تذكر بأيدي من أطعمك
ﭼنت أخاف عليك ماريداً احد يذمك
يا لحبيب أنت مني
وانه منك
وأنعجن دمي بدمك
انه بيكم محترگ ..انته بارد
هل أمر ماﭼن يهمك
لا والله فلا أنساك
ما اﮔـدر على فرﮔاك
وشفافي دوم أتضل تلهـچ بطرواك
تـﮔلي أنسى ..ولچ
شنسى
انسي الضحكة والرﮔصه ..شنه انسى
وان نراد الفكر ينسى ..
ما تنسى الأصابع بيچ متلمسه
من شفافچ الأذن ياﭼلممه
تنسى
شريد أنسى والـﮔـلب
باسمچ ينبض الهسى
وتـﮔولي أنسى..ولچ شانسى
لا تغالط ما ينسي بلحظه حـﭼينه
ان نسيتوا احنه نذكر ما نسينه
يابو لعيون الحزينه لا تضن حبكم بدينه
الـﮔـلب باقي بونينه
من هجركم فكري تيه نياشينه
شمالكم بعد الوداد محاربينه
وين ﮔلوبكم ذيﭼ ألحنينه
إن ﭼان قصرنه وحـﭼينه سامحينه
وﮔولي شنه مقصرينه
مناطرك والعمر خلصن سنينه
حن ولك مره علينه
يالنسيتوا العشگ نغمة
اغانينه مانسينه
ما نسينه وحق عطر حبنه
ورياحينه
يالحنينه عودي لينا وفرحينه
ان ﭼا نچ تسمعين بشعر حبنه
وتقرين بدواوينه
###
1989م
قصة فرح
اضطر احد العراقيون في فترة الاحتلال الأمريكي للعراق بعد 2003 الذهاب بأقصى ما لديه من سرعة إلى سوريا
بعد إن نصحه احد الأطباء بان زوجته التي ولدت منذ يومين بطفلة يجب نقلها إلى مستشفى تمتلك الكوادر و العلاجات
الأزمة لمعالجة زوجته من مضاعفات حدثت لها إثناء الولادة . فقرر الذهاب
إلى سورية لمعالجتها فاخذ سيارته وأطفاله الاثنان والمولودة الجديدة التي لم
يسميها بعد وفي الطريق السريع قبل إن يصل مدينة الرطبة فاجأته عصابة من عصابات السطو
المسلح التي كانت تستغل غياب الدولة والانفلات الأمني وحاولت إيقافه لسرقة سيارته وما يحمله من نقود ولشدة ارتباكه وخوفه على
عائلته اثر السير بأقصى سرعة مما جعل احد إفراد العصابة يرميه بوابل من الرصاص فوقعة
احد الرصاصات في العجلة الأمامية فانقلبت بهم السيارة فراح ضحيتها وماتت زوجته وابنه
البالغ من العمر 10 سنوات وابنته البالغة من
العمر ست سنوات ولم يبقى إلا ابنته المولودة
التي لم يتجاوز عمرها أيام معدودة وعندما وصل أبناء العشائر القريبة من منطقة
الحادث لإنقاذهم وجدوا إن هذه الطفلة مغطاة بدماء أمها وهي تصرخ فأخذها احد أصحاب النخوة من سكان المنطقة ليتبناها و ليسميها فرح وهي لازالت تعيش عنده .
فرح
لذا قلت على لسانها هذه القصيدة
بطريق طويل والرطبة غدت خلفي
فرد ساعة خلاوية البشر بيها
أبوي يسوق مستعجل على أجدادي
وأمي تلوب منزوفة بولادتها
وإذا بأشباح مسعورة تطگ ترمي
رصاص هواي ثارت هم قنابلها
تصيح بصوت وﮔف ها تعا يمي
لبوي ذياب سلابة عما يلها
الرحم منزوع من اﮔلوبهم عمي
وأبوي أيصيح عوفوني أوصلها
لطبيب أيحاول يوﮔف نزف دمي
عطيتا وما وﮔف نزف دمها
مرمية أنﭼفة سيارته مرمي
من خوف العصابة ألبان ناب ألها
نزل دمها بمحالبها ورضع ثمي
رضيعة بالزكي المظلوم سايلها
ﮔبل مالوح صدر أمي ذهبت عني
رضيعة وهمها تتناول صدر أمها
أبوي وخوي خييتي من بعد أمي
رضيعه وها أجاها الذيب ﮔصلها جذا يلها
ليش إلهل هضم ولد تيني ولچ يا أمي
بلحظة طلتي للناس زارتني أراذلها
اكو محروم يا يمه
يعادل همه بهمي
حمل ناﮔه ضرف هم وضرف ضيم بعدايلها
عميت بالسﮜم عيني رضيعة ويا كبر غمي
مالت والزمن غدار ياهو أيعدل المﮜلوب مايلها
أيد من القدر شالتني حفضت رسمي
من طي الكرم والجود موصولا حمايلها
رغم كل الفقر والعوز إلي تحمي
بحنان ﭼبير شبﮜتني بمنازلها
لا حبلت ولا جابت بعث ربي
أم درت حنان وطيب أناملها
وأبوي ألما حضن فد يوم بيه أمي
ولا ساعة غرام ألجيتي غازلها
سماني فرح وفرحان هو باسمي
وإذا اطلب عيونه بطيب إلي يخلها
أحلفكم ازغار كبار
بربي الواحد القهار
وأحلفكم بالنبي المختار
ليسمع قصتي أيعمها
ويدعي للي رباني
وحفظني وزال إحزاني
وابد ما يوم خلاني
أحس العوز والذلا
###
أم القرى
أني أتوق هواها وسجدة ﺑِ رُبى ها
أدنو لها هي وحدها لأغيرها وسِواها
أرجو أشم عُطورِها
واتوه منتشيا بها وجمالها
بدع ألآله بخلقها
.. ربي الذي جلاها
أَن أستجير بأرضها
أَن أدعو ربي ..
أن التحف ﺑِ سماها
تلك التي أختصها ﺑ خصاصةٍ
هي أم القرى
وفداه نفسي ذاك الذي كناها
###
بعد ما صادق عراقي
اي صدك انا عراقي
بس بعد ما صادق عراقي
لان الصحبة ويا
جميلة وطبعة والله هواية راقي
بي محنه .. وطبعة للصحبان عاشق .. بكل شي طبعة مختلف
المشكله ..
قلبي ملعون وترف وبحب كل عراقي محترف
وخاف افقده بانفجار .. وكلبي يغديله شرار
لو يذبحوه ع الهوية .. بتهمه قذرة وطائفية
احتمال بيوم يصرخ .. بصوت اعتراض على حاكم
وبالرصاص
يسيح دمه .. بلا عدالة
ولا محاكم
ليصادق واحد من اهل الشهامة
من تفقده ..اليل هم
تكدر تنامه
###
عتب خرسان
ﭽيتك احاﭽيك بهمس
..
كل همي منك اقترب ..
ما عندي نيه
نضل حرب
ونجتمع با لخوة
نحس ..
ونتعاون نعدي العتب ..
ﮔرايب احنه
مو غرب
مديت ايدي يا
لنحس ..
وأتصورك مثلي محب ..
من جيتك
بـﮕلبي الرطب
كل فكري منك
ألتمس ..
طبع الوفه ونبع
العذب ..
تالي
عفتني بلا سبب
مو ﮔتلك اني من أمس
ما عندي و إياكم ذنب ..
خايف على
ﮔليبي الرحب
بس هاي من عندك
درس ..
لـﮕـعد على متون الدرب ..
ادعي
وأنوح وانتحب
###
شايب
طارت شرارات الدمع
.. نظراتك تشع بيه ألامل
شايب وتدري بي طبع .. من يعشـگ يزيد ألوجل
زغير انته ومحترف .. طبع الغنه طبع ألعزف
انه ﭼـبير ومختلف .. لك عوفني ماكو أمل
ياحليو اﮔـعد وأستمع .. مـﮕـرود مفضوح ألدمع
ألعاشـگ بلأيه طبع .. كل يوم ويزيد ألغزل
تـﮕـلي احبك بس الك .. لو شالني وطرني ألفلك
بعيوني أرد اتكحلك .. لتعوفني ما أحتمل
لــﭺ شايب عزيز ومختلي .. متفرغ لديني وهلي
باليتني أنتي ومبتلي ..عوفيني وبلأيه زعل
ما عوفك أنه للأبد .. و ياك أرد أنه أنسعد
بملـﮕـاك روحي ترتعد .. أحبك بلأيه خجل
###
ليش أهاجر
بين حيرة وخوف ومعاتب
محب
. ضاع عمري اشكي همي وانتحب
لا أني ﮔادر احمي ابني من الهلاك
. لا زوجتي وبنتي من ذاك
الذئب
قررت اطرق دروب
الرجاء
. بكي ربي يعيني وما
اغترب
سدوا بوجهي كل الحدود
. ألادها منها ما قبلني
ابن العرب
قررت اركب أمواج
المحيط
. بكي حوت يقودني لأخر
درب
مثل يونس وبذاك
الدعاء
. والـﮕـي نفسي مأمن بديرت غرب
###
أرد
شتاﮔيت إلك يا حضن و الشوگ هد حيلي
.. بس انته بيك الجرح ما طاب يا ويلي
يسألني حاقد موعرف و بزود انه // أرد
لعراق هذا
يـالأخو ولله آ سـبِح // ورد
وتأمل زيارته
فـد يـوم وازرع // ورد
من مر عليك
الدهر بالجور// والبهدلة
ما ضل مضيف
ألك مـﭽفيه
// بيه الدلة
والزيج بعد الستر
هم الوكت // هدلة
اتاملك تستقر فد يوم بيك وارد
###
صاحب عذب
ازرع صديقك ورد واﮜـعد حدر ظلة
من ريح صاحب عذب .. بالك لتتخله
من حيث هووه غصن .. عصفور وتسله
بأغصان ذاك الزرع فد يوم تتفلة
والدنية لو طاولت فد يوم بيها حزن
لعنده صاحب دفع فد يوم عنه محن
لا بالك ترد اله .. من تـﮜطعه بمسألة
وتريد منه و تسأله .. مجروحة بيك المرجلة
###
انته الهوى انت الماي
مرات أحس انك ضلع
.. مرات أحس انك مّاي
مره تصير انته ألهوى .. مره تصير انته فياي
طيب وطبعك أولي .. كلك إلي وانته دوآي
لا تحجي انته لا ابد .. بس عينك تحجي الناي
صايم ابد من كل بلد .. وفطوري انته وسلواي
العلم من أصله نولد .. أصل البشر منك جاي
من مر عليك شكم وقت
.. مجروح انته ونعاي
لا آلك اخو يشد الجرح
.. لا لك صديق البـﭽاي
###
للصديق النذل
ما عاتب نذل
العتب مرفوع ..
ولا فد يوم راح
اشكي منك
صح أتألمت بالغدر
موجوع ..
ﮔـلبي شـﮕد ترف
يسالني عنك
بـﭽيت شـﮕد الك
من طيبتي دموع ..
بعيد ومحترگ
مشتاق اشمك
شـﮕد بيك انه ﭽنت
يا ذيب مخدوع ..
هيــﭺ وأمنت
والروح أسلمك
بيك توسمت والرأس
مرفوع ..
تاليها الغدر بس
جاني منك
يا وسفه وألف يا
حيف مبيوع ..
كل ذاك الذي قضيته يمك
أطباعي وفه
وبالطيب مزروع ..
يا لكلك دغش
مسموم دمك
###
صـلاة اللـيل
فـي جـوف لـيـل آلـيلي أدنـو لـهـا تـدنــو إلـي
بِها احـد مٍنجـلـي لعلـهـا تـُعيـنـنـي فــي أجلي
إذا قـطعـت وصلـها مستعـجـلـي يـا ويـل لـي
ليـس كما المهـرولـي أو نـقـر ديـك ألحَـجَـلـي
الـنفــس فـيهـا تـعـتـلي هـذه صـلاة الـمخـتـلـي
لـبـارئـي الـمـغـني الـعــلـي أرجُ رضـاه أولـي
الـمـجـتبـى قــد قـال لـي إيـاك تـرك الـعَـمَـلـي
وخوض مضمار قوم
تـره لا لي سبهـللي
يـا أيـهـا
الـمـتـخــمُ فـــي الـنـعـم والـمـمــتـلـي
قــد وجـب الشـكــر للـواحــد الــديـان الـعـلـي
###
ليست هناك تعليقات:
إرسال تعليق