شعر شعبي عراقي
خلص صبري
الإهداء
إلى ..رفيقة
دربي وأم أطفالي
.. أبنائي وبناتي مدعاة فخري
سامحني غلطان
موﭼيت وﮜلتلك سامحني غلطان
رغم أن الغلط منك أجاني
ترد التسامح
..أنت خسران
أنه بكل يوم من عندك أعاني
أضل فرحان لأجلك ..وانه حزنان
ولا فد يوم قل لأجلك حناني
ندمان بغرامك ..ما أنا ندمان
أنا الدَلاًل حطيت بصواني
تدريني أحبك وانه ولهان
يا إلـﮕلبك نكر حبي ورماني
أهديلك لحن من بين ألألحان
محتار بهل عشـگ
إني وزماني
و أشكي لك غرامي إلـﭼان ماچان
ياهل تسمع شجن مني بأغاني
@ @ @
الجور
علينه علينه لو
جارت الوادم علينة
من تمكنه عفينا
كم نذل بأخلاقنا عدلنه وهدينه
ولا شكينا ولا اشتكينه
من نصحنا غير الصدگ لا
ما حچينة
الأصل والجود
إلنا منا بينا منا بينة موع لينة
سيوفنا نتوارثها من اهلنة الشجاعة بمواقفنة
بمواقفنة مو حچينة
بالمعرجات ركابكم بس اصايل
لا ركبنة
ولا جنينه
@@@
منبع الحب
يا منبع الحب وألوفة
بكل لحضه لي متلهفة
مناطرة بكل يقضه وغفة
اكبر واصيرا إني
بغيبتي تبجي من الجفه
وبجيتي من الفرح تبجي ثاني
زرعت بيه المعرفة
وعلمتني دروس بالعرفان
زلاتي تغفر وتعفه
وترجع تسامح ثاني
تفرحلي لو جنت بصفة
ولأجلي تبقى تعاني
يا أمي يا دمعة فرح ياگلب رأفة مغلفة بحناني
لا غنة لأشعر ونثر توصفچ لو اجمع الكلمات والمعاني
يا أمي يا نور البدر كريمة مدور شكر
بسكوت گضته العمر بس كون اكبر واشتهر
ولا اسمي بيها ينذكر معطاء كالخلجان
ربي اذكرها برحمتك .. وشملها بالجناني
@@@
لطول ألزعل
خليني أشوفك كافي زعلان
بس شوفتك لگليبي تشفي
لتطول الزعل يا حبيبي شبيك
تدريني احبك حد گطع لنفاس
لك إني احبك بكبر هالكون
والگيلك عدد من بعد العداد
و بأخر عدد مقياس حبك
@@@
أشوفك
لازم تجيني أشوفك
.. بالرغم من كل ظروفك
إنا مشتاقة إلك
.. بعيوني أرد أتكحلك
لازم تجيني ابد .. أمك بهاي البلد
محتاجة وگفة ولد .. ولأقلامك ولحروفك
موكافي غربة وبعد .. ياوليدي أرد أنسعد
بكل لحضه إنا ارتعد ..وضليت أناغي طيوفك
موصارت أيامي سگم .. وگضاها أبوك بهضم
من شوفتك خاف أنحرم ..دگ للجية يوم دفوفك
موباتت أيام العمر ..
تتناقص الحد الگبر
جالس أبوك وينتظر .. كل همه بس أيشوفك
@@@
يا صديقي
مواني عراقي وطبعي حساس .. لصيرا لك نبع وبدمي أرويك
وأگفلك بالنايا لحد گطع لأنفاس .. وارد لك يا صديقي و
اسبقك ليك
ولك صاحب تگول وانته هلاس .. أضل ذاك الوفي وما أجافيك
موكل من تعرفه بيه نوماس .. ولأكل من بعد ينقاس ناسيك
من مرة عليك الدنية بإفلاس .. ما غيري يعرفك ينشد عليك
أجيتك يوم فاضت والفگر خاس .. لگيتك يا صديقي صعب إني
احاچيك
بس اعرف مقامك مواني انداس .. إنا اكبر بعد من كل معانيك
وانأ اكبر بعد شما كبر رأس .. وانأ كبر بعد من كل خطاويك
كل صاحب نذل خل يقرى قرطاس .. لو دامت ألغيرك ما وصلت
عليك
@@@
إلك رقة
إلك رقة وجمال عيون لو ماس
إلك ضحكة رقيقة أضحكها وأفديك
العمر والروح كل الورد والياس
وإذا تسمح بعد بعيوني أخليك
موانته السعادة بيك تنقاس
لصيرا لك نبع حب وأرويك
إذا بالأيد تتصافح الناس
إنا بعين أحضنك وبعين الاگيك
وإذا بالشفة على الخدين تنباس
لصيرا لك شفايف والزگ عليك
لخلي أيام عمرك كلها إعراس
والبسلك غرامي وبشعر احاچيك
أتباهى بوجودك وارفع الرأس
وأصيح بصوت عاشگ منجبر بيك
وحگ جيتك انا گلبي حساس
يفز مني ويسبقك ليك
@@@
يا الصابرة
يالصابرة بكل هذا لحزن .. العفة گالوا تنوزن
بيچن اشو أحتار الزمن .. بالعوز وأنتي مكابرة
يا لصابرة بكل هذا الألم .. قدمتي كل شي بلا ندم
يا كوكب أنتي ويا نجم .. مجرة أنتي و دايرة
يا لصابرة وكلچ طهر .. عراقية تبقين بستر
بالرغم من كل القهر .. أنتي النجيبة الماهرة
يا لصابرة ما وفه وياچ الدهر .. ليش أنتي من دون البشر
تتلاطم دموعچ بحر .. وأنتي البديعة القادرة
يا لصابرة منذور الچ هذا الزمن .. لو رادوا يمدحونچ آضن
يشبهوچ بالرجل الفطن .. ها لمثل محتوم صار نداوره
@@@
على فكره
على فكره ليعرفك يذكرك مره
الصديق الحق ما ينساك
لو مره
إذا تبعد يضل أيجر إلف حسره
على فكره اكو صاحب كلما تسامحه تكبره
يضل رافع خشمه رغم زغره
لان طبعة ردي إلا تعوفه وتحقره
على فكره اخذ حذرك من صاحب كلام السوء بالحضرة
والي أيبيع سر صاحب إذا سره
إلك عبره واجب انته تتحذره
على فكره اليكذب لتصدگ طبعه أيغيره
يضل كذاب من امة إلى ﮔبره
عوفه بلا ندم وأنساه واكسر بالوصل جره
على فكر ألبي طبع هلاس هووه يقلل بقدره
وهو ليخلي الليل ما يطلع علية فجره
على فكره اكو صاحب يصافحك بيمناه
وتسلبك أيده أليسره
@@@
هدي هدي
هدي هدي .. يا عبير أيام سعدي
لسه طبع شفاچ مرسوم على خدي
يا قصيدة دلال ..ارق نسمة غزل
يا عطر وردة تتمايل بريح الخجل
اسمعي صوت الكمان .. آهاته نغمة إنا أهي ملل
هدي هدي .. وخلي لليل الغرام يصير وردي
هدي هدي .. وخلي عشگي اليوم يتوارث أمل
خلي صرخات الفرح تحتل الوجل
هدي هدي .. وتعدي كل لحضت زعل
هدي هدي .. وللوصال حبال مدي
@@@
احتويني
يا ارق من كل الورود احتويني
يا أحد من نصل السيوف عيونك
عيونك ألذبحني بغرامك
سكرت إنا من أعذب كلام هو كلامك
نجيت من كل البحور تالي غرﮔني غرامك
زيلي أهاتي وأنيني يا لعزيزة واحتويني
احتويني وردة ربيع بنص حنانك اشتليني
احتويني غيوم مطاره بأراضيك أمطريني
احتويني شراع بسفينة هالعمر ارفعيني
احتويني كحل لعيونك الحلوات تكحليني
احتويني صوت أهات عاشگ وأصرخيني
احتويني ..واحتويني..واحتويني
لحد ما أصير الروح واتباها بجمالچ
وانصهر بيچ وتصيحي ..ويني أنتا .. وانأ ويني
@@@
خلص صبري
العمر كله الولي لك .. أسولف لك أغني لك
من تغفى أشم شم
بيك .. أهلهل لك إنا غيلك
اتاتي لك اخطي
وياك .. اسمي لك وانأ اخطي لك
حبي لك لضلوعي اضمنك أهشش لك
وأنا أبكي لك
من عمري على عمرك .. ادعيلك دا ينطي لك
يشيل سنين مني لك .. يضيفا لك يخلي لك
خلص صبري
خلص صبري سـﭼاﭼينك
تحز بـﭼـلاي
اطعمنك شهد واقطرلك دموعي ماي
اسولف بيك واتسله بطواريك رفيج صباي
لو ان اسمي يمر يمك تفز ﭼنك ترد غادر جاي
خلص صبري
يامن مايك غريج ومايي جالي الشط
يامن ليلك ﮜمر نص الشهر وتوسط
يالليلي ش طولا وش عرضه أمطن بيه ما ينمط
تربت هيل طينتكم الحرية شيل وحط
صفت ﮔاعي من الصبخ تحويط ومحوط
صدگ بيتك من ذهب مبني حلو مخطط
صدگ كوخي من سعف تسفيط ومسفط
لاﭼن حليب أمي يردني لو راد الوكت أغلط
لو ان زلت إقدامك يوم وين تحط
ابن ملحة ولك انه يالمخربط
خلص صبري
تحني ﭼفوفك بدمعي
تسد نهرك تموت نبعتي وزرعي
غشيم تدري بطبعي
لوصالك اسعي إنا أضل اسعي
بغيابك دوم إلك ادعي
بسلامة تعود وتسافر رغم وجعي
يا ول وشل مو
خلص دمعي
خلص صبري بغرامك يا بعد ربعي
خلص صبري
قصتنا غدت علﮔم بقطيعه ما بعد تلحم
ياجرحي الما ئله مرهم يماي تبده ما ينلم
يقصة تشيع ما تنظم يقاسي من الظلم اظلم
خلص صبري
اطفي النار بدموعي اضمد جرحي بضلوعي
الوك لساني من جوعي والجوري انا زروعي
خلص صبري
تـﮔلي شبيك اﮔعد اسمع احﭼي لك
ﮔضه ليلي يا نجم سهران واشكي لك
كمل بدرك يا ﮔمر هد حيلي وإلك حيلك
اصايلنا مربطه وجامحة خيلك
نهاري أليل ومزين بالبدر ليلك
طريقي طويل ما يخلص ولحد الباب وصلك ريلك
خلص صبري
أزف أليل بورودك أناجيك بغزل مشتاق
واتباها بشطب
عودك
ولا اشبع وارد ثاني إلف زندي على زنودك
وأشمك حيل واسكر بيك سكرني عطر زودك
@@@
نذرا عليا
لو جاني يوم هواي لصفگ بديا
والعب له ﭼوبي إشكال
وارﮔص له مو بالـﮔاع ارﮔص ع الحبال
نذرا عليا
يا ربي جيبه يطيب حبيبه
لجمع له كل الناس وابقي بفرح وإعراس
نذرا عليا
بس أبوجوده ينرفع فوگ الرأس
بس أبوجوده اشرح له أحلى إحساس
نذر عليا
تاذيني ليش هواي شنه ألجنته يداي
كل ذنبي إنا أهواك اتنطرك ما نساك
نذرا عليا
@@@
يا دنيتي
احترت وياچ يا دنيتي.. مغرومة أنتي بدمعتي
أنتي عذابي وجنتي .. همي وضنوني وعلتي
امشي سرابك قبلتي..مجنون ذاعت سمعتي
رحميني مره بعيشتي.. صافيني انه وفرحتي
صفي الحزن بوداع.. بالألم حطي شراع
ابني بالحنان قلاع.. مسحي دموعي بعزتي
احترت وياچ يا دنيتي.. مغرومه أنتي بدمعتي
أنتي عذابي وجنتي.. همي وأضنوني وعلتي
يا أجمل وارق أحباب.. حبچ سحر غلاب
فتحي للتسامح باب.. يا عمري أنتي ومهجتي
@@@
من بعد السفر
كتبت هذه القصيدة في جلسة وداع ودية لتلك الفتاة الرائعة عندما كانت تعد العدة للهجرة إلى حيث إلا رجعة بعد إن توفاها
الله لإصابتها بمرض عضال وهي في بلد ألغربه شاء القدر إن لا أراها بعد هذه
الجلسة فاهديها هذه القصيدة إلى (عائشة ) رحمها
الله.
هذا حال الناس وأحوال البشر
دائمه الترحال من بحر البحر
ما نسيتچ يوم كيف أنسى العمر
يالي طعمچ هيل وخدودچ فجر
شـﮔد بعيد عليچ يوصلني العطر
أتذكرك يا زين كل نسمه تمر
جالس إني وياچ فد يوم العصر
ضحكتچ بالروح شﮔد تركت اثر
يا ربي يوم تعود جلسات السمر
ونجتمع ساعات ونزيح القهر
أنتي يمي هنا وﮔليبي نعصر
والدمع خجلان يتـﮔوطر ﮔطر
هم اشوفچ يوم من بعد السفر
لو بعد كافي يغدرنا القدر
@@@
اجيتك
اجيتك حامل همومي ادري بك
ما تﮔدر على عتابي
اجيتك يال الك غنيت ولك
اﮔـعد وسمع مصابي
اجيتك يال نسيت هواك
دگ مره ولك بابي
اجيتك احمل الاشواق أضنك
بالدموع اطفي عطابي
اجيتك والعيون تنوح إلك
تغفى ألاه بأعتابي
لﮔيتك ناسي كل الناس ماﭼنك
حبيبي وهلي وأصحابي
خليتك وسط الدليل أهناك
تكرب كرب بترابي
طري العود ورد ﭼنك
بالغرور أنت رابي
نسيت بعيني افرشلك
وأغطيك برمشي وأهدابي
@@@
يا يمه هايه وهايه
يايمه هايه وهايه مرن بنات هواية
من بين كل الحلوات ﮔلبي نبضله هوايه
يايمه بس خطبيها وبالحنة زيني اديها
كل ليلي احلم بيها وبنهاري متانيها
يا يمه هايه وهايه مرن بنات هوايه
من بين كل الحلوات ﮔلبي نبضله هوايه
ألامها بس قنعيها
بعيونا انخليها
أبوها بس ينطيها
برموشنا نغطيها
يا يمه هايه وهايه مرن بنات هوايه
من بين كل الحلوات ﮔلبي نبضله هوايه
يا أمها لتبـﭼيها
وبدموعها تغرﮔيها
بالزفة أرد اهديها ﮔلبي التولع بيها
@@@
روحي و ياك
احن الـﮔاك روحي وياك
يا لما يوم علي تنشد
تذوب ألاه أرد و ياك
تعود انوب بعد أجدد
نتصافى و لك فد يوم إنا وياك
بلكي الروح ترد تبرد
اعت الروح تروح وياك
أعتها انوب هم تشرد
مثل العود عشرتي وياك
بنص ألماي ولا
ورد
نسيت أيام عمري وياك
شنو الباقي وتريد أزود
فلا أنساك ﮔلبي وياك
الم لغياب ماهود
نسيتك آه إنا بطرواك
سنين صباي كلها
وياك
على حبي قسم ﮔلبك
شجاه اليوم وتمرد
أشمك حيل ياجوري
بحديقتنا إذا ورد
يذكرني بخدود هواي
ويندي الدمع ع الخد
@@@
رد ع الوعد ما جاني
غابت شمس طلعت شمس .. رد ع الوعد ما جاني
نتواعد بحدر السلف .. يم بقـﭼة الرماني
ﭼذاب ما يـﮔدر يفي .. مرضني زاد أحزاني
دربته يوم على الأمل .. دربني ع ألنسياني
فد يوم ﮔتله حبيبي .. هم تشتهي تلـﮔاني
جاوبني بلسان الزعل .. حـﭼاياته مليانة وجل
كل عمري ما عندي أمل
.. بس شوفتك من ثاني
غدار من بعد ألوفه .. ما عاد يوم ولا لفه
وﮔليبي أضناه الجفه .. رد ع الوعد ما جاني
@@@
عيني بعينك
بس تمر عيني بعينك .. سعفة ويهزني حنينك
ذبت بجمالك زينك .. يحفظك ربي يعينك
أ..ياﮔلب سأبينك .. رد يا لمدلل وينك
زف ونتي بونينك
.. يكتمل ديني بدينك
أسمه محفور بجبيني
.. هو هواي وهو طيني
وهو حياتي وكل سنيني .. روحي صارت بين أدينك
مرت أيام العمر
.. رحلة القوس بوتر
عازفة لحن القهر .. عن وصالي مانعينك
الكلب تاه وتعثر .. غيبتك طالت يالسمر
أحضر وفرحني أحضر .. مانسينا ذاكرينك
بس تمر عيني بعينك .. سعفة ويهزني حنينك
@@@
حن
لـﮔليبي حن يالحملتني ﮔوشر حزن
موهذا عهدي وياك يالكلك حسن
ما أضن تنكر هواك وتخفض شراع السفن
فد مره حن يال ألك دريت دمعي بلا وزن
لك عيني حن ﮔلبي معلول ويون
ياسمر د حن يا لما طبگ بعدك جفن
لـﮔليبي حن شمتاني يحضني الـﭼفن حتى تحن
@@@
حسبالي
حسبا لي وفي تالي أنت ﭼتالي
أحن واصرخ أصيح حبيبي و أفالي
يا لحبك بالﮔلب مغروس يا لغالي
أحن حنة غريب ماله كل والي
حبيبي أليوم لعيوني لعيوني تراوالي
عشگ ﭼتال ما ضنيت يوم ينزا لي
ترى غيابك دمرني هم شده بالي
ضنيت الهجر منك ما ضنيت تصير ﭼتالي
@@@
شگد الك مشتاق
شـﮔد إلك مشتاق نتسامر حبيبي
كم نجم عديت بغيابك و تاني
اصبر الروح تنشد بغيابه نساني
عد اعد أيام ساعات وثواني
شـﮔد ما تكحلت عيني كل صبحيه بيك
شـﮔد ما نغمة إذني برقت حـﭼيك
شـﮔد ما تصافحت أيدي بديك
شـﮔد أماني العمر ﮔضيته وأعاني
@@@
همس عينك
يدغ دغ ﮔليبي بعيونه الـﭼتاله
همس عين لولف صار موالا
خلص دمع الـﮔلب وشل
شجاه وشبي وشمالا
غرس نابه بدليلي وفات
من طاح الـﮔلب لأدنك ولا شالا
طلع ﭼذاب و ملعب
ولا تـﮔدر عليه تـﮔرب
عسى فد يوم يتعطب
واذكرا بطبعا و بحالا
@@@
شـﮕـد احبك
كافي بس حيرة وسؤال شـﮔد احبك
يالي تسألني بدلال يعني ما تعرف محال
هيه ﭼلممة زغيرة طعمه
بيه سحر وبيه نغمة
برعمن ساعاتي يمك
ونعجن دمي بدمك
وبسناك ذابت أيامي دمع
دمعه دمعه
إنا أيامي شمع يكسر الظلمة بدمع
وهم بعد تسأل سؤال شـﮔد احبك
عمري كله عشته ﮔربك
عشته يمك
مرة أحضنك مره أشمك
مره أدرسك مره أعلمك
يا عرس عمري الأصيل أرﮔصت لك من فرح وانه الجليل
وهم بعد تسأل سؤال
شـﮔد احبك
@@@
عروس
بلساني دمعه و الحجي بعيوني ..
مواكح محبتك هدلت لي متوني
مـجنونك انه والبشـر هـجروني ..
مـا أحد رحمني
وكـلهم يلومونـي
رفت طيـوفك هسـه بيـن جفوني ..
باجـر حبيـبـي
لغيـرك يزفوني
أهلي و خواتي وأمي ليجهزوني ..
ميتة وعروس الناس د يسموني
@@@
يا دلالي
يا هيف وجدي و ضيف دلالي ..
ياكيف حالي و سيف الرجى للخفوﮔـي
ليـلي وحدي زار بالي .. ريح تاهت بيـه نـوﮔـي
هـدي هـدي يـا خيـالي .. أرحـم الملتـاع شـوﮔـي
النـجـم باين يا غـالـي .. عـالــي بسـمـاك فــوﮔـي
ردي ردي يـا ليـالـي .. طيــيبي خـاطـر حـروﮔـي
سلسبيلك الي سالي .. من غرب صوب الشروﮔـي
ما أجـاك اليوم جالي .. با لحشى هامت عروﮔـي
انـﭽفـيت انا ودلالي .. سوﮔـك معلي على سوﮔـي
@@@
شتريد
انته متــﮕــلي شتريد
..انته ﮔلبك من حديد
اني احبك يا عنيد .. عيوني نيشان وأزيد
انته جرحي وهم دواي .. وانته ارضي وهم سماي
ماي روحي انته وهواي .. وتبقى هيج انته عتيد
كافي انه بلايه
راي .. يا نضر عيني وضواي
فرحتي انته و سلاي .. لا تضل دومك بعيد
@@@
سر غدرك
سر غدرك شيء غامض سر غدرك مختلف ..
شـﮕـد الك صبت دموعي ما ثمر بيك معروف
كنت آضن أنك صديقي أتضح أنك صلف ..
جنت أغلى الناس عندي شـﮕـد جنت بيك ملهوف
يا صديق بيك أمنت يا صديق واعترف ..
انته مثل السيل
جارف وانه بيكم منجروف
الناس من حولي كثيرة كنت احسبهم طرف ..
انته وحدك يا صديقي كانت عيوني تشوف
ما طلبت بيوم مني شي ﮔـلت انو كلف ..
لا ولا فد يوم قصرت انه لك رغم كل الظروف
كل شيء مزيف بان منك وانكشف ..
ما بقى عندي قلب مخدوع بيك وعطوف
@@@
بس غفن
لا تضن جروحي ماتن ..لا تراهن بس غفن
خلهن ممنات بيه
..
مو بدديهن ما نسن
ما أعذرك
وشل بروحي السماح
العضة بجلالي وانه جلالي الـﭽفن
عوفني أتوچه عله صبري وستراح
ولا أشوف عيون وكحة ما ستحن
@@@
الف
السلام عليكم ممكن انسخ القصائد واعيد نشرها بقناتي على اليوتيوب مع الحفاظ على حقوق الملكيه للشاعر ارجو الرد مع الشكر
ردحذفاهلا ومرحبا اخي شرفني مرورك ممكن تتصل بي واتساب 00905396765310
حذفلا مانع بشرط المحافظة على حقوقي الفكرية عماد ياسين اّل شهزي
حذفالسلام عليكم راسلتك على بريدك ارجو الطلاع عليه.
حذفاخ عماد راجعت البريد على جيميل وارجوا مشاهدة الفديو والرد تحياتي لك
حذف