إلك رقة غزل للشاعر عماد الشهزي
إلك رقة
إلك رقة وجمال عيون لو ماس
إلك ضحكة رقيقة أضحكها وأفديك
العمر والروح كل الورد والياس
وإذا تسمح بعد بعيوني أخليك
موانته السعادة بيك تنقاس
لصيرا لك نبع حب وأرويك
إذا بالأيد تتصافح الناس
إنا بعين أحضنك وبعين الاگيك
وإذا بالشفة على الخدين تنباس
لصيرا لك شفايف والزگ عليك
لخلي أيام عمرك كلها إعراس
والبسلك غرامي وبشعر احاچيك
أتباهى بوجودك وارفع الرأس
وأصيح بصوت عاشگ منجبر بيك
وحگ جيتك انا گلبي حساس
يفز مني ويسبقك ليك
الشاعر عماد ياسين مجيد الشهزي
تعليقات
إرسال تعليق