قصة هوانا للشاعر عماد ياسين مجيد الشهزي

قصة هوانا

كافي ارجوك سامحني

انسى الماضي واحزانه

تمرمرنه بهواكم حيل

تالي الوكت تنسانه

راح التعب وياكم

براسي عتاب يفلانه

كم مره يناس الشوك

بيكم يلهج السانه

نسيتي شلون أخاف عليچ

اذا ﭼنتي حرانه او بردانه

كم مره أيدي تلمس خدودچ

وتضل ايام خدرانه

العين تﮔول ما شفته

ودوم عليه سهرانه

يا خايب الوادم تسد

ونهري نﮔطع جريانه

الروح تﮔول إلك

إنا هواي عطشانة

إطراف جسمي اجتمعن

وصاحن صوت ليش أفلانه تنسانه

بﮔلب مجروح أجاوبهن عاشر ناس غيري

وبعد أيام يتوسدون ذرعانه

وردة شوﮔنه الخضرة

شنه السبب ذبلانه

صرت حﭼايه بين الناس

مثل أفلان من فشلوا نيشانه

ﮔالولي يخون بساع

و أنغريت بايمانه

إلف وسفه ع الزمن غدار

وبهل حال خلانه

دﮔوليلي شجاني وياچ

هل فرحنه عدواننه

ولچ موصوچي العين الهوتچ

والنصيب عليچ ودانه

الشاعر عماد ياسين مجيد الشهزي