مؤلم جداً عندما تتغرب عن الوطن والأهل والأحبة والأصحاب رغماً عنك والأكثر
ايلاما انت في غربتك وتفقد اعز الناس امك ولا تستطيع ان تودعها ..
أمي انتي
حزني أنتي .. فرحي انتي
أنتي اكبر من دمعتي
أنتي نبع الخير انتي
أأه لغياب وحسرتي
أنتي عيني وعمري انتي
هسه والله بروحي صرتي
تنكسر كل فرحة من رحتي انتي
شبقى بتالي العمر ..لمن رحلتي
هنا گعدتي بيوم عرسي
هنا ضحكتي هنا مشيتي هنا وگفتي
هنا دعيتي هواي يايمه وركعتي
شگد زرعتي و ما حصدتي
شگد فرحتي بيوم عرسي
شگد حملتي هموم يايمه وتعبتي
أأه يايمه بغربتي فاضت دموعي لوجنتي
ماگدرت احضر دفنتج
هي دفنتج لو دفنتي
تاهت وضاعت حسبتي
أأه يايمه بعذاب العيد من مر بغربتي
تعودت يلتم شملنا هذا خيي وذاك
ابني
وهاي خيتي ..هناك بنتي
وأنتي شمعة بنصنة جنتي
الوطن راح ورحلتي
يمه يايمه بغربتي .. جزني و مگاطر دمعتي
الشاعر عماد ياسين مجيد
ليست هناك تعليقات:
إرسال تعليق