ياصديقي شعر شعبي عراقي للشاعر عماد ياسين مجيد
يا صديقي
مواني عراقي وطبعي حساس
لصيراً لك نبع وبدمي ارويك
اﮒفلك بالمنايا لحد ﮒطع الانفاس
وردلك يا صديقي وأسبقك ليك
ولك صاحب تﮒول وأنت هلاس
اضل ذاك الوفي وما اﭼافيك
موكل من تعرفه بيه نوماس
لا كل من بعد ينقاس ناسيك
من مرة عليك الدنية بإفلاس
ماغيري يعرفك ينشد عليك
اجيتك يوم فاضت والفﮒر خاس
لﮒيتك ياصديقي صعب انا احاجيك
بس اعرف مقامك مواني انداس
انه اكبر بعد من كل معانيك
وانه اكبر بعد شما كبر راس
وانه اكبر بعد من كل خطاويك
كل صاحب نذل خل يقرى قرطاس
لو دامت الغيرك ما وصلت عليك
الشاعر عماد ياسين مجيد 17/
12/2009
تعليقات
إرسال تعليق