شعر شعبي عراقي ((غنائي جوبي)) للشاعر عماد ياسين مجيد
هايالحلوة العراقية
عرس وفرحة ولمة وهوسة..
تستاهل بغداد البوسة
ليلتها ليلة عروسة ..
لبسوها سوار وترجية
هاي الحلوة العراقية متحزمة بوردة وجفية
محروسة ارضج محروسة
هلهولة نهلهل سوية
هاي الحلوة العراقية متحزمة بوردة وجفية
يابغدادي وبغدادية..
يلا نلعبلة جوبية
يا مصلاوي ومصلاوية
مزهية جبالج مزهية
هاي الحلوة العراقية متحزمة بوردة وجفية
يا انباري وانبارية..
يا ريح ادلالج زكية
يا بصراوي وبصراوية ..
ملح الكاع ونخلة وميه
هاي الحلوة العراقية متحزمة بوردة وجفية
محروسة ارضج محروسة هلهولة انهلهل سوية
الشاعر عماد ياسين مجيد
ليست هناك تعليقات:
إرسال تعليق