احن الكاك روحي وياك
يالمايوم علي تنشد
تذوب الاه ..واتلكاك
تعود اُنوب تتجدد
ولك فد يؤم صافيني..
انا اترجاك
بالكي الروح ترد تبرد
اعت الروح ..تروح اوياك
اعتها أنوب هم شرِد
عشرتي وياك..
مثل العود..
بنص الماي ولاورد
نسيت ايام عمري وياك
شنو الباقي وتريد ازود
قلبي وياك..ولا انساك
الم لغياب فلا هَـوَد
سنين صباي كلها وياك
قسم قلبك على حبي..
شجاه اليوم وتمرد
نسيتك ....اه....انا بطرواك
اشمك حيل يالجوري ..
يذكرني بخدود اهواى..
بحديقتنا اليوم من ورد
مع اروع تحياتي
الشاعر((عماد ياسين مجيد))
ليست هناك تعليقات:
إرسال تعليق