اوسيات: هلهولة عرس للشاعر عماد ياسين مجيد: هلهولة عرس ..للشاعر عماد ياسين مجيد هلهولت عرس وافراح ساعت طلتچ حدی تذکرین من الف زندچ وسط زندی نسیتی شلون احک ...
الأحد، 18 سبتمبر 2011
اوسيات: حكم ربي للشاعر عماد ياسين مجيد
اوسيات: حكم ربي للشاعر عماد ياسين مجيد: للشاعر عماد ياسين مجيد حکم ربی حکم ربی اشوفک وانجبر بیک احاچیگ بغزل لو ما احاچیک یالمدلل غرامک زادنی هموم خجلت الگمر منک والنچوم صر...
اوسيات: حكم ربي للشاعر عماد ياسين مجيد
اوسيات: حكم ربي للشاعر عماد ياسين مجيد: للشاعر عماد ياسين مجيد حکم ربی حکم ربی اشوفک وانجبر بیک احاچیگ بغزل لو ما احاچیک یالمدلل غرامک زادنی هموم خجلت الگمر منک والنچوم صر...
حكم ربي للشاعر عماد ياسين مجيد
للشاعر عماد ياسين مجيد
حکم ربی
حکم ربی اشوفک وانجبر بیک
احاچیگ بغزل لو ما احاچیک
یالمدلل غرامک زادنی هموم
خجلت الگمر منک والنچوم
صرخ حبک یخلی یرتجی یوم
الاگیک پفرح .. لو ما الاگیک
ستحه لسانی وتعثر من تهل جای
یا صوت الفرح یا نغمت النای
اسقینی الغرام منشفایف های
یهیم الروح عطرک ربی یحمیک
للشاعر عماد یاسین مجید
هلهولة عرس للشاعر عماد ياسين مجيد
هلهولة عرس ..للشاعر عماد ياسين مجيد
هلهولت عرس وافراح ساعت طلتچ حدی
تذکرین من الف زندچ وسط زندی
نسیتی شلون احک خدک بخدی
اهیمن بیچ وانسی الناس پس اخبر چیتچ عندی
اشم عطرچ گلبی یرگص بسدی
شنو عیونچ مسحورا بسحر هندی
فد رمیه ورمتنی سهامچ پچبدی
جرح گلبی .. وخلص حتی الدم العندی
للشاعر عماد یاسین مجید
الثلاثاء، 6 سبتمبر 2011
اوسيات: ومضات خلص صبري للشاعر عماد ياسين مجيد
اوسيات: ومضات خلص صبري للشاعر عماد ياسين مجيد: خلص صبري ألعمر كلًه ألوليلك .. اسولفلك أغنيلك من تغفة أشمشم بيك .. أهلهلك أناغيلك...
ومضات خلص صبري للشاعر عماد ياسين مجيد
خلص صبري
ألعمر كلًه ألوليلك ..
اسولفلك أغنيلك
من تغفة أشمشم بيك ..
أهلهلك أناغيلك
أتاتيلك وخطي وياك
اسميلك وانه اخطيلك
حبي لك لضلوعي أضمنك
أهششلك وانه ابكيلك
من عمري على عمرك
أدعيلك دا ينطيلك
يشيل سنين مني لك
يضيفا لك يخليلك
خلص صبري
خلص صبري سكاكينك تحز بجلاي
أطعمنك شهد وقطرلك دموعي ماي
أسولف بيك واتسلة بطواريك رفيق صباي
لو أن أسمي يمر يمك تفز جنك ترد غادر جاي
خلص صبري
يامن مايك غريج ومايي جالي الشط
يامن ليلك كمر نص ألشهر يتوسط
يلليلي شطولة وشعرضة أمطن بيه ماينمط
تربت هيل طينتكم الحرية شيل وحط
صفت كاعي من الصبخ تحويط ومحوط
صدك بيتك من ذهب مبني حلو مخطط
صدك كوخي من سعف تصفيط ومصفط
لجن حليب أمي يردني لوراد الوكت أغلط
لوان زلت اقدامك يوم وين أتحط
أبن ملحة ولك انه يالمخربط
خلص صبري
تحني كفوفك بدمعي ..
تسد نهرك ..
تموت نبعتي وزرعي
غشيم تدري ابطبعي ..
لوصالك اسعي ..
انا أضل اسعي
بغيابك دوم الك ادعي ..
بسلامة تعود ..
وتسافر رغم وجعي
يول وشل مو خلص دمعي ..
وخلص صبري ..
بغرامك يابعد ربعي
خلص صبري
قصتنة غدة علكم ..
بقطيعة مابعد تلحم
يجرحي الما ألا مرهم ..
يماي تبدا ماينلم
يقصة تشيع ماتنضم ..
يقاس من الظلم اظلم
خلص صبري
أطفي النار بدموعي ..
أضمد ضلعي بضلوعي
ألوك الساني من جوعي ..
والجوري انا زروعي
خلص صبري
تكلي شبيك اكعد أسمع احجيلك ..
كظة لليلي يا نجم سهران واشكيلك
كمل بدرك ياكمر هد حيلي والك حيلك..
أصايلنة مربطة وجامحة خيلك
نهاري الليل ومزين بالبدر لليلك..
طريقي طويل مايخلص و البابك وصلك ريلك خلص صبري
أزف الليل بورودك
أناجيك بغزل مشتاق
واتباها بشطب عودك
ولأ اشبع ..
ورد ثاني الف زندي ..
على زنودك
وشمك حيل ..
واسكر بيك ..
سكرني عطر زودك
####
الاثنين، 5 سبتمبر 2011
يا قلب .. للشاعر عماد ياسين مجيد
يا قلب
يا قلب ما نفع بيك الندم
انسى ودهم وانهي ساعات الالم
ما وفوا ضيعت عمرك عدم
نشفوا دمعك والكلب منهم ماسلم
شكد صرت الهم بلم
علمتهم درستهم جففت حبر القلم
بهجرهم مزقوا ذاك الحلم
ضيعت أيام عمرك رافع بحبهم علم
يالبقيت سنين ماشي الاجلهم
ما مشوا لأجلك ولأخطوة قدم
الجمعة، 2 سبتمبر 2011
اوسيات: لقاتلتي ..للشاعر عماد ياسين مجيد
اوسيات: لقاتلتي ..للشاعر عماد ياسين مجيد: ((لقاتلتي)) يا من أنا...
اوسيات: أحتويني ..للشاعر عماد ياسين مجيد
اوسيات: أحتويني ..للشاعر عماد ياسين مجيد: أحتويني... للشاعر عماد ياسين مجيد
يا أرق من كل ألورود أحتويني يا أحد من نصل ألسيوف عيونك عيونك ألذبحتني بغرامك أسكرت أنا من أعذب كلأم هو س...
أحتويني ..للشاعر عماد ياسين مجيد
أحتويني... للشاعر عماد ياسين مجيد
يا أرق من كل ألورود أحتويني
يا أحد من نصل ألسيوف عيونك
عيونك ألذبحتني بغرامك
أسكرت أنا من أعذب كلأم هو سلأمك
نجيت من كل ألبحور تالي غركني غرامك
زيلي أهاتي وأنيني يالعزيزة وأحتويني
أحتويني وردة ربيع .. بنص حنانك أشتليني
أحتويني غيوم مطارة باراضيك أمطريني
أحتويني شراع بسفينة هالعمر أرفعيني
أحتويني كحل لعيونك ألحلوات أتكحليني
أحتويني صوت أهات عاشق واصرخيني
أحتويني ...وأحتويني ...وأحتويني
لحد ما أصيرألروح واتباها بجمالك
أنصهر بيج وتصيحي ..ويني أنته ..وأنه ويني
ألشاعر عماد ياسين مجيد
الاشتراك في:
الرسائل (Atom)